монгол улсын засгийн газар

хууль зүй, дотоод хэргийн яам

Хууль зүй, дотоод хэргийн сайд Х.Нямбаатар Гадаадын иргэн, харьяатын газрын үйл ажиллагаатай танилцлаа

Admin 2020/07/21 Мэдээ, мэдээлэл

Улсын Их Хурлын гишүүн, Монгол Улсын Засгийн газрын гишүүн, Хууль зүй, дотоод хэргийн сайд Х.Нямбаатар, Дэд сайд С.Баатаржав нар өнөөдөр /2020.07.21/ Гадаадын иргэн, харьяатын газрын үйл ажиллагаатай танилцаж үүрэг, чиглэл өглөө. Уулзалтад Гадаадын иргэн, харьяатын газрын удирдлага болон төвийн албан хаагчид биечлэн, орон нутаг дахь нэгжийн албан хаагчид онлайнаар оролцсон юм. 115558511_628181797830622_8918077670308302419_n.jpg Хууль зүй, дотоод хэргийн сайд Х.Нямбаатар хэлэхдээ “Гадаадын иргэн, харьяатын газар бол Монгол Улсын нүүр царай болсон байгууллага. Гадаадын иргэд хамгийн түрүүнд энэ байгууллагаас үйлчилгээ авч, гадаадын хөрөнгө оруулагчид энэ байгууллагаар Монгол Улсыг танин мэддэг учир төрийн хариуцлагатай алба. Тиймээс гадаадын хөрөнгө оруулагчдыг татах, Монгол Улсад орж ирэх урьдач нөхцлийг хангаж, ямар нэгэн хүндрэл чирэгдэлгүй нээлттэй хаалганы бодлого явуулах ёстой” гэдгийг онцлон санууллаа. 110590808_2348737522088110_159538370468803956_n.jpg Мөн энэ байгуулагын албан хаагчдыг цаашид тогтвор сууршилтай ажиллуулах, нийгмийн асуудлыг шийдвэрлэх, Гадаадын иргэний эрх зүйн байдлын тухай хуульд нэмэлт, өөрчлөлт оруулах хуулийн төслийг УИХ-аар батлуулах тал дээр онцгой анхаарч ажиллахаа мэдэгдэн холбогдох үүрэг, чиглэлийг өгөв. 110049892_2624898681093202_6804506858547474902_n.jpg Уулзалтын үеэр байгууллагын албан хаагчдын зүгээс салбарын сайд, дэд сайд нарт ажлын амжилт хүсч, тулгамдаж буй тодорхой асуудлуудаар саналаа танилцууллаа. 110005507_291339495315219_3866736002143537156_n.jpg