Эхлэл     Covid-19

Covid-19

 

Зөвлөмж

 

АЖЛЫН БАЙРАНД COVID-19 ХАЛДВАРЫН ТАРХАЛТААС УРЬДЧИЛАН СЭРГИЙЛЭХ АЛБАН ХААГЧДЫН ЭРҮҮЛ МЭНДИЙГ ХАМГААЛАХ ЗӨВЛӨМЖ
Нэг. Албан хаагчдын дунд халдвар дамжихаас урьдчилан сэргийлэх талаар

  1. Ажлын байранд нэвтэрч буй албан хаагчид вакцины 2 тунд бүрэн хамрагдсан байх;
  2. Ажлын байранд нэвтэрч буй зочид,үйлчлүүлэгч албан хаагчдад эрүүл ахуйн шаардлага хангасан амны хаалт зүүх, бээлий өмсөх шаардлага тавих;
  3. Гаднаас ирж буй зочид, үйлчлүүлэгчид, албан хаагчдын биеийн халууныг хэмжих халуунтай (37.1-ээс дээш), ханиалгах, амьсгал давчдах зэрэг сэжигтэй шинж тэмдэг илэрсэн бол ажлын байранд нэвтрүүлэхгүй байх;
  4. Сэжигтэй шинж тэмдэг илэрсэн албан хаагчийг тусгаарлан гэрт нь буцаах, шаардлагатай бол холбогдох газарт мэдэгдэж, зөвлөгөө авах;
  5. Албан хаагч өөрөө болон гэр бүлийн гишүүн нь тусгаарлагдсан, ажиглалтын хугацаа дуусаагүй тохиолдолд ажиглалтын хугацаа дуустал гэрээс ажиллуулах;
  6. Архаг суурь өвчтэй (чихрийн шижин, зүрх судас, уушиг) албан хаагчид өвчлөлд өртөх өндөр эрсдэлтэй тул гэрээс ажиллахыг дэмжих; 
  7. Албан хаагчийн эрүүл мэнд, дархлааг дэмжих амин дэмээр хангах;
  8. Албан хаагчдын ажлын ачаалал, ажлын цагийг уян хатан зохицуулах;
  9. Хоёроос олон хүн цуглаж уулзалт хурал хийхээс зайлсхийн онлайн уулзалт, хурал зохион байгуулах;
  10. Стресс тайлах энгийн аргаар иог, амьсгалын дасгалыг хийж сэтгэл санааг тайван байлгах, зөв хооллож, эрт унтаж амрах;
  11. Эерэг хандлагатай байж сөрөг мэдээлэлд автахгүй байх;

Хоёр. Ажлын байранд ариун цэвэр эрүүл ахуйг сахих талаар

  1. Албан хаагч, үйлчлүүлэгчдийн хүрч буй эд зүйлийн гадаргуу нь COVID-19 вирусээр бохирдох халдвар тараах эх үүсвэр болох эрсдэлтэй учир хаалганы бариул, шатны бариул, ширээний гадаргуу, компьютерийн дэлгэц, гар, хулгана, утас зэрэг хатуу гадаргууг 2 цаг тутамд хлорсепт-17, блезна, жавелины 0.015% уусмалаар арчиж ариутгах;
  2. Халдваргүйжүүлэлтийн уусмалыг цэвэрлэгээ хийх бүрт шинээр бэлтгэх;
  3. Албан хаагчид бусдын ширээ, компьютер зэргийг ашиглахаас зайлсхийх, зайлшгүй тохиолдолд хэрэглэхийн өмнө болон дараа нь халдваргүйжүүлэх;
  4. Албан хаагч болон зочид, үйлчлүүлэгч хоорондын зайг 2 метрээс доошгүй харьцахаар зохион байгуулах;
  5. Албан хаагч хоорондын сууж ажиллах зайг 1.5 метрт байхаар зохион байгуулах;
  6. Ажлын байрны орох, гарах хаалга, ариун цэврийн өрөө, шаардлагатай бусад байршилд гар ариутгагчийг байрлуулж тогтмол сэлбэж дүүргэх;
  7. Гараа савандаж угаах нь халдварын эрсдэлийг бууруулах тул албан хаагч болон үйлчлүүлэгчдийг ариун цэврийн өрөөнд орох, гараа угаах боломжоор хангаж гарын шингэн саван, гар ариутгагч байршуулах;
  8. Ариун цэврийн өрөөг тухай бүр тогтмол цэвэрлэж ариутгах;
  9. Ашигласан амны хаалт, цаасан алчуурыг хаяхад зориулж тусгай тэмдэглэгээ бүхий хогийн сав байршуулах;
  10. Ажлын байранд байгалийн агаар сэлгэлт тогтмол хийх;
Санамж:

Хэрвээ танд доорх шинж тэмдгүүд илэрч байвал халдвар авсан байх магадлалтай.
Үүнд:

  •  Хуурай ханиалгах,
  •  Хоолой өвдөх,
  •  Амт, үнэрээ алдах,
  •  Толгой өвдөх,
  •  Хамар битүүрэх,
  •  Шингэн нус гойжих,
  •  38 хэм хүртэл халуурч байвал

КОВИД-19-ийн халдварын хөнгөн хэлбэрээр өвчилсөн байх магадлалтай.
Энэ тохиолдолд та айж сандралгүй гэртээ өөрийгөө 10 хоног тусгаарлаж аль болох шингэн зүйлийг халуун, бүлээнээр ууж, илчлэг сайтай хоол хүнс идэж, маш сайн унтаж амрах хэрэгтэй.
 Хөнгөн дасгал, хөдөлгөөн хийгээрэй.
 Шаардлагатай тохиолдолд халуун бууруулах, өвдөлт намдаах зэрэг шинж тэмдгийн эмчилгээг хийнэ.
 Мөн Д аминдэм 4,000-5,000 мг-аар өдөрт нэг удаа, С аминдэмийг 1,000 мг-аар өдөрт нэг удаа 14 хоногийн турш ууна.

  • Хэрвээ танд: (КОВИД 19-ийн хүнд хэлбэрүүд болох)
  •  Амьсгаадах, Амьсгалын тоо насанд хүрэгчдэд 1 минутад 20 буюу түүнээс дээш болж амьсгал давчдах,
  •  Ханиалгалт эрс нэмэгдэх,
  •  Амны салст, хэл, уруул, хурууны үзүүр хөхрөх,
  •  Амт үнэрээ алдах,
  •  Цээж хөндүүрлэж өвдөх,
  •  38 хэмээс дээш халуурах,

 Зарим тохиолдолд гүйлгэх, бөөлжих шинжүүд илэрч байвал эмнэлгийн тусламж яаралтай авах шаардлагатай бөгөөд 119 дугаараас тусламж, мэдээлэл авна уу.
Хэдийгээр ТА вакцины бүрэн тунд хамрагдсан ч гэсэн энхрий бяцхан үрс, жирэмсэн эхчүүдийн төлөө халдвар хамгааллын дэглэмээ чандлан баримтлаарай!