Гадаадын иргэн, харьяатын газар, Бүгд Найрамдах Солонгос Улсын Олон улсын хамтын ажиллагааны байгууллага (КОЙКА)-тай хамтран өнөөдөр “Мэдлэг түгээх семинар”-ыг өнөөдөр зохион байгууллаа.

Энэ үеэр хяналтын хяналтын улсын ахлах байцаагч Н.Дуламсүрэн, гадаад харилцааны мэргэжилтэн Э.Түмэнжаргал нар 2023-2025 онд КОЙКА-тай хамтран хэрэгжүүлсэн “Гадаадын иргэн, харьяатын газрын хүртээмжтэй үйлчилгээ, менежментийн чадавхыг бэхжүүлэх нь” сэдэвт төслийн үр дүн, сургалтад хамрагдсан туршлагаас хуваалцав. Тодруулбал, Бүгд Найрамдах Солонгос Улсын Цагаачлалын бодлого, судалгааны чиглэлүүд, гадаад иргэдийн нэгдсэн мэдээллийн төвийн үйл ажиллагааны онцлог болон төсөл хөтөлбөрийн санал боловсруулах аргачлал, үзэл баримтлалыг тодорхойлох зэрэг өргөн агуулгаар сонирхолтой мэдээлэл танилцуулсан юм.

Уг сургалтад төв болон хилийн боомт, орон нутаг дахь хэлтсийн 150 гаруй албан хаагч танхимаар болон цахимаар хамрагдлаа.