Бүрдүүлэх баримт бичгийн жагсаалт

• Аж ахуйн нэгж, байгууллагын хүсэлт (Оршин суух зөвшөөрөлд сунгалт хийлгэх үндэслэл, гадаадын иргэний Монгол Улсад байх хугацаа зэргийг дурдах);
• Хуулийн этгээдийн улсын бүртгэлийн гэрчилгээ, тусгай зөвшөөрөлтэйгөөр үйл ажиллагаа эрхэлдэг байгууллагын гэрчилгээ;
• Паспорт болон паспортыг орлох баримт бичиг өнгөтөөр;
• Цээж зураг (cүүлийн 6 сард авахуулсан, 3.5см x 4.5см хэмжээтэй, өнгөт
• Хөрөнгө оруулалтын асуудал эрхэлсэн төрийн захиргааны төв байгууллагаас олгосон тодорхойлолт;
• Шаардлагатай бусад баримт бичиг (татварын болон нийгмийн даатгалын тодорхойлолт- тухайн жилийг оруулаад сүүлийн 3 жил, компаний харилцах дансны хуулга г.м.);
• Баг, хорооны засаг даргаас авсан оршин суугаа хаягийн тодорхойлолт;
• Хүсэлт гаргаж буй ажилтанд тухайн байгууллагаас олгосон итгэмжлэх, ажлын газрын үнэмлэх, иргэний үнэмлэхний хуулбар;
• Тэмдэгтийн хураамж төлсөн баримт;
• Мэдүүлгийн хуудас. 

Санамж

• Оршин суух зөвшөөрлийн хугацаа дуусахаас 5-аас доошгүй хоногийн өмнө сунгуулах хүсэлт гаргана.
• Оршин суух зөвшөөрлийг 1 хүртэл жилээр сунгана.
• Оршин суух зөвшөөрлийн хүсэлт зөвшөөрөгдөж, хэвлэгдсэн талаар мэдээлэл авсан хүсэлт гаргагч гадаадын иргэн, хуулийн  этгээд нь оршин суух үнэмлэхээ авахаар ирэхдээ оршин суух зөвшөөрөл сунгуулах үед гаргасан албан хүсэлт /өргөдөл/-ийг эх хувиар авч ирж, хураалгана.
• Оршин суух үнэмлэхийг олгохдоо гадаадын иргэн нь өөрийнхөө хүчин төгөлдөр бичиг баримт, иргэн, хуулийн этгээдийн итгэмжлэгдсэн төлөөлөгч нь байгууллагаас олгосон итгэмжлэлийг эх хувиар, өөрийн хүчин төгөлдөр бичиг баримтын хамт авч ирж, оршин суух үнэмлэхийг хүлээн авна.  

Шийдвэрлэх хугацаа:

Энгийн үйлчилгээ - Ажлын 10 хоног
Яаралтай үйлчилгээ – Ажлын 8 хоног

Тэмдэгтийн хураамж:

Энгийн үйлчилгээ - 87.000₮
Яаралтай үйлчилгээ  – 174.000₮

Оршин суух үнэмлэхний төлбөр:

Гүйлгээний дүн: 1 хүн – 7$ /тухайн өдрийн Монгол банкны ханшаар/
 

САНАМЖ: Та төлбөрөө төлөхдөө хянамгай хандана уу. Үйлчлүүлэгч өөрийн буруугаас болж төлбөр илүү төлсөн тохиолдолд  буцаан олгохгүй болохыг анхаарна уу.

Хандах газар

Гадаадын иргэн, харьяатын газар